កំពង់ស្ពឺ​÷ ​លោកជំទាវ​ ​ឡុង​ ​បូ​ណា​រេ​ត​ ​អភិបាល​រង​ខេត្ត​ ​ប្រធាន​សមាគម​នារី​កម្ពុជា​ ​ដើម្បី​សន្តិភាព​ ​និង​អភិវឌ្ឍ​ខេត្ត​កំពង់ស្ពឺ​ ​បាន​ដឹកនាំ​មន្ត្រី​សមាគម​ចុះ​សាក​សួរសុខទុក្ខ​លោកគ្រូ​ ​អ្នក​គ្រូ​ ​សិស្សានុសិស្ស​ ​និង​ចែក​ជូន​សាប៊ូ​លាងដៃ​ ​ដល់​សាលារៀន​នានា​ ​ក្នុង​ទីរួមខេត្ត​កំពង់ស្ពឺ​។​

ក្នុង​ពិធី​សំណេះសំណាល​លោកជំទាវ​ ​ឡុង​ ​បូ​ណា​រ៉េត​ ​អភិបាល​រង​ខេត្ត​ ​ប្រធាន​សមាគម​នារី​កម្ពុជា​ខេត្ត​មានប្រសាសន៍ថា​÷ ​សូមឲ្យ​ក្មួយ​ៗ​ជា​សិស្សានុសិស្ស​ ​ត្រូវ​ថែទាំ​សុខភាព​ឱ្យ​បាន​ល្អ​ ​មិន​ត្រូវ​បរិភោគអាហារ​ ​គ្មាន​អនាម័យ​ ​ដែល​មាន​រុយរោម​ ​ឬ​ធូលី​ដី​ហុយ​ចូល​ ​អាហារ​គ្មាន​ប្រភព​ ​និង​កាលបរិច្ឆេត​ច្បាស់លាស់​។​

សូម​ឱ្យ​ក្មួយ​ៗ​លាងដៃ​ ​នឹង​សាប៊ូ​ឱ្យ​បាន​ញឹកញាប់​ ​ដើម្បី​ក​ម្ចាត់​មេរោគ​ ​ឬក៏​ធូលី​ដែល​ជាប់នឹង​ដៃ​ ​ហើយ​ក្មួយ​ៗ​មិន​ត្រូវ​យកដៃ​ដែល​កខ្វក់​ ​ទៅ​ប៉ះ​ភ្នែក​ ​មាត់​ ​ច្រមុះ​ ​កាលណា​ក្មួយ​យកដៃ​កខ្វក់​ទៅ​ប៉ះ​ភ្នែក​ ​ច្រមុះ​ ​ឬ​មាត់​បណ្ដាលឲ្យមាន​មេរោគ​ ​ដែល​ទុំ​ជាប់ដៃ​ ​នោះ​អាច​ចម្លង​ចូល​ទៅ​ក្នុង​ខ្លួន​របស់​ក្មួយ​ៗ​ ​បណ្ដាល​ឱ្យ​មាន​អាការ​ឈឺ​ចុកពោះ​ ​រាគ​រុះ​ក្អួត​ចង្អោរ​ជាដើម​។​
​ហើយ​ម្យ៉ាងទៀត​បើ​ធ្វើ​អនាម័យ​លាងដៃ​ ​បាន​ល្អ​ជាប្រចាំ​ក្មួយ​ៗ​ជា​ផុត​អំពី​ជំងឺឆ្លង​ផ្សេងៗ​ពិសេស​ជំងឺ​ថ្មី​ ​Co​v​i​d​-19 ​តែម្ដង​។