ទូលព្រះបង្គំជាខ្ញុំ វ៉ី សំណាង មានសេចក្តីសោមនស្សរីករាយជាអនេក ដែលខ្ញុំបាទត្រូវបាន ព្រះមហាក្សត្រ ត្រាសបង្គាប់ឱ្យកាន់តំណែងជាអភិបាលខេត្តអាណត្តិទី ២ ក្នុងដែនសមត្ថកិច្ចរបស់ខ្លួនដដែល។ ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា ក្នុងនាមទូលព្រះបង្គំខ្ញុំព្រះករុណាខ្ញុំ សូមថ្លែងនូវអំណរគុណ និង ដឹងគុណចំពោះរាជរដ្ឋាភិបាល ជាពិសេស សម្តេចអគ្គមហាសេនាបតីតេជោ ហ៊ុន សែន ដែលបានផ្ដល់នូវការទុកចិត្តចំពោះរូបខ្ញុំបាទឲ្យបន្តកាន់តំណែងនៅអាណត្តិទី ២ នេះ។
ខ្ញុំបាទសូមប្ដេជ្ញាថា នឹងបន្តការខិតខំដើម្បីបម្រើជាតិ មាតុភូមិ ប្រជាជនឱ្យអស់ពីប្រាជ្ញាស្មារតីរបស់ខ្លួន។ សូមគោរពថ្វាយព្រះពរព្រះមហាក្សត្រ សូមព្រះអង្គ មានព្រះជន្មាយុយឺនយូរ កម្លាំងកាយមាំមួន ប្រាជ្ញាស្មារតីភ្លឺថ្លា ដើម្បីគ្រងជាម្លប់ ដ៏ត្រជាក់ត្រជុំ សម្រាប់កូនចៅ និងប្រទេសជាតិ របស់ព្រះអង្គ។ សូមគោរពជូនពរសម្ដេចអគ្គមហាសេនាបតីតេជោ ហ៊ុន សែន និង សម្ដេចគតិព្រឹទ្ធបណ្ឌិត ប៊ុន រ៉ានីហ៊ុនសែន សូមមានសុខភាពល្អបរិបូណ៌ កម្លាំងកាយមាំមួន ប្រាជ្ញាភ្លឺថ្លា ដើម្បីបន្តដឹកនាំប្រទេសជាតិឱ្យរឹតតែរីកចម្រើនជាងនេះតទៅមុខទៀត។
សូមអរព្រះគុណ និង អរគុណ!
