កំពង់ស្ពឺ​÷ ​ឯកឧត្តម​ ​វ៉ី​ ​សំណាង​ ​អភិបាល​ខេត្ត​កំពង់ស្ពឺ​ ​អញ្ជើញ​ជា​អធិបតីភាព​ក្នុង​ពិធី​ប្រគល់​ទទួល​ធុង​បាញ់ថ្នាំ​ក​ម្ចាត់​មេរោគ​ កូ​វី​ដ​-​១​៩​ ​ដល់​មន្ទីរពេទ្យ​បង្អែក​ ​និង​ការិយាល័យស្រុកប្រតិបត្តិស្រុក ​តាមរយៈ​មន្ទីរ​សុខាភិបាល​ខេត្ត​ ​ដើម្បី​យកទៅ​ប្រើប្រាស់​ជា​ប្រយោជន៍​ ​ក្នុង​ការ​បាញ់ថ្នាំ​ក​ម្ចាត់​មេរោគ​កូ​វី​ដ​-​១​៩​។​ ​នា​ពេល​បច្ចុប្បន្ននេះ​ដែល​ពិភពលោក​កំពុង​មានការ​ព្រួយបារម្ភ​ ​ព្រមទាំង​បាន​យកចិត្តទុកដាក់​ខ្ពស់​ ​ពី​ប្រមុខ​រាជរដ្ឋាភិបាល​កម្ពុជា​។​

​ឯកឧត្តម​ ​វ៉ី​ ​សំណាង​ ​អភិបាល​ខេត្ត​ ​ក៏បាន​មានប្រសាសន៍ថា​ ​ក្នុងនាម​ក្រុមប្រឹក្សា​ខេត្ត​ ​អភិបាល​ខេត្ត​ ​និង​រូប​ឯកឧត្តម​ផ្ទាល់​ ​ឯកឧត្តម​សូម​ថ្លែង​អំណរគុណ​យ៉ាង​ជ្រាលជ្រៅ​បំផុត​ចំពោះ​ ​លោក​ ​ប៊ុន​ ​ចាន់​សុភាព​ ​អគ្គនាយក​ក្រុមហ៊ុន​ ​ធី​ ខេអេ​ស​ ​គ្រុប​ ​ហៅ​(​គី​សែ​) ​ដែល​បាន​ចូលរួម​ឧបត្ថម្ភ​ម៉ាស៊ីន​បាញ់ថ្នាំ​សម្លាប់​មេរោគ​ចំនួន​ ​២​៥​ ​គ្រឿង​។​ ​សម្រាប់​ចូលរួម​ក្នុង​ការប្រតិបត្តិ​ការ​ទប់​ស្កាត់​ជំងឺ​ កូ​វី​ដ​-​១​៩​ ​ដែល​កំពុង​បង្ក​គ្រោះ​ភ័យ​ដល់​សុខភាព​ ​និង​អាយុជីវិត​ប្រជាជន​កម្ពុជា​។​ ​ឯកឧត្តម​សូម​បួងសួង​ឲ្យ​ ​លោក​ ​និង​ក្រុម​គ្រួសារ​ ​ព្រមទាំង​សហការី​ ​បាន​សម​ប្រកបដោយ​ពុទ្ធពរ​ទាំងបួន​ប្រការ​ ​គឺ​អាយុ​ ​វណ្ណៈ​ សុខៈ ​ព​លៈ ​កុំបីឃ្លៀងឃ្លាត​ឡើយ​៕