កំពង់ស្ពឺ÷ ឯកឧត្តម វ៉ី សំណាង អភិបាលខេត្តកំពង់ស្ពឺ បានអញ្ជើញជាអធិបតីភាពក្នុងពិធីចែកអាល់កុល និងជែល លាងដៃ ទៅដល់ ក្រុងស្រុកទាំង ៨ ឃុំ សង្កាត់ទាំង ៨៧ ដោយក្នុងនោះ ឃុំ សង្កាត់ នីមួយៗទទួលបានអាល់កុលចំនួន ១០លីត្រ ក្រុងស្រុក នីមួយៗ ទទួលបាន ជែលលាងដៃចំនួន ១០០ដប មណ្ឌលសុខភាពទាំង ៥៥ ក្នុងមណ្ឌលសុខភាពនីមួយៗ ទទួលបានអាល់កុល ០៥លីត្រ នារសៀលថ្ងៃទី ២០ ខែមេសា ឆ្នាំ ២០២០។
នៅក្នុងពិធីចែកនោះដែរឯកឧត្តម វ៉ី សំណាង អភិបាលខេត្តសូមឲ្យតំណាងក្រុង ស្រុក ឃុំ សង្កាត់ និងមណ្ឌលសុខភាពទាំងអស់ ដែលបានមកទទួលអាល់កុល និងជែលលាងដៃនាពេលនេះ សុំយកទៅប្រើប្រាស់អោយបានចំគោលដៅរបស់គណៈកម្មាធិការប្រយុទ្ធប្រឆាំង Covid-19 ។
ហើយឧត្តមសុំអង្គភាព ក្រុង ស្រុក មណ្ឌលសុខភាព ណាដែលមានការខ្វះខាត សម្ភារៈខាងលើ សូមធ្វើរបាយការណ៍ឡើងមករដ្ឋបាលខេត្ត ដើម្បីឲ្យរដ្ឋបាលខេត្ត ធ្វើការ ផ្តល់ជូន បន្ថែមទៀត។
ឯកឧត្តមសូមអោយអាជ្ញាធរក្រុង ស្រុក ឃុំ សង្កាត់មណ្ឌលសុខភាពទាំងអស់ ត្រូវបន្តយកចិត្តទុកដាក់ចុះអប់រំណែនាំ ដល់បងប្អូនប្រជាពលរដ្ឋតាមបណ្ដាសហគមន៍ អំពីការធ្វើអនាម័យ និងវិធីការពារខ្លួន ពីជំងឺរីករាលដាល Covid-19 ផងដែរ។
