​កំពង់ស្ពឺ​÷ ​ថ្ងៃ​ទី​ ​១​១​ ​ខែ​ឧសភា​ ​ឆ្នាំ​ ​២​០​២​០​ ​លោក​ ​ម៉ាង​ ​ណា​ន​ ​ប្រធាន​ការិយាល័យ​រៀបចំ​ដែនដី​ន​គ​រូប​នី​យ​កម្ម​ ​និង​សុរិយោដី​ស្រុក​ឧ​ដ្ដុង្គ ​តំណាង​ឲ្យ​អាជ្ញាធរ​ស្រុក​ ​ខេត្ត​ ​បាន​អញ្ជើញ​ប្រគល់​វិញ្ញា​បន​ប​ត្រ​សម្គាល់​ម្ចាស់​អចលនវត្ថុ​ ​ដល់​អគ្គនាយកដ្ឋាន​ស​ម្ភារៈ​បច្ចេកទេស​ ​ឃ្លាំង​សព្វាវុធ​កា​៨​៦​ ​នៃ​ក្រសួង​ការពារ​ជាតិ​ ​ដែល​មាន​ទំហំដី​ជាង​ ​១​០​០​ ​ហិកតា​ស្ថិតនៅ​ក្នុង​ភូមិ​រោងដំរី​ ​ឃុំ​ភ្នំ​តូច​ ​ស្រុក​ឧត្តុង្គ​ ​ខេត្ត​កំពង់ស្ពឺ​។​ ​តាម​ការ​គូស​បញ្ជាក់​ពី​ ​លោក​ ​ម៉ាង​ ​ណា​ន​ ​ប្រធាន​ភូមិបាល​ស្រុក​បាន​បញ្ជាក់ឲ្យដឹង​ថា​÷ ​មន្ត្រី​ជំនាញ​របស់​លោក​បាន​ខិត​ខំធ្វើ​ ​និង​កំណត់​ព្រំ​ដី​ឲ្យបាន​យ៉ាង​ច្បាស់លាស់​ ​ហើយ​វា​ជា​ជំនាញ​ ​និង​កាតព្វកិច្ច​របស់​មន្ត្រី​របស់​លោក​ ​ដើម្បី​បង្ហាញ​ថា​អចលនវត្ថុ​នេះ​ ​ជា​កម្មសិទ្ធិ​របស់​រដ្ឋ​ ​គ្មាន​នរណា​អាច​បំភ្លៃ​ ​បំប៉ោង​ ​ឬ​ទន្ទ្រាន​យក​ដី​ទាំងអស់​នោះ​ ​ធ្វើជា​កម្មសិទ្ធិ​ផ្ទាល់ខ្លួន​បាន​ឡើយ​។​ ​ហើយ​ប័ណ្ណ​បញ្ជាក់​ព្រំ​ដី​ទាំងអស់​នេះ​ ​គឺ​កាត់បន្ថយ​បាន​នូវ​ជំលោះ​ពី​គ្រប់​មជ្ឈដ្ឋាន​ដែល​ប៉ុនប៉ង​ទន្ទ្រាន​ចង់​កាន់កាប់​យក​ទ្រព្យសម្បត្តិ​រដ្ឋ​ ​ធ្វើជា​កម្មសិទ្ធិ​បុគ្គល​ជាដើម​។​

​តំណាង​អគ្គនាយកដ្ឋាន​ស​ម្ភារៈ​បច្ចេកទេស​សព្វាវុធ​កា​ ​៨​៦​ ​បាន​បញ្ជាក់​ថា​÷ ​ក្នុងនាម​តំណាង​នាយកដ្ឋាន​ ​តំណាង​ថ្នាក់​ដឹកនាំ​អង្គភាព​ ​តំណាង​នាយ​ ​នាយទាហាន​ ​ពល​ទាហាន​ ​ទាំងអស់​សូម​សំដែង​នូវ​ចិត្ត​សប្បាយរីករាយ​យ៉ាង​ក្រៃលែង​ ​ចំពោះ​អាជ្ញាធរ​ដែនដី​គ្រប់​លំដាប់​ថ្នាក់​ ​ដែល​បាន​យកចិត្តទុកដាក់​ ​និង​មាន​ទំនាក់ទំនង​ល្អ​ ​រវាង​កង​កម្លាំងទ័ព​ជួរមុខ​ ​និង​មន្ត្រី​ ​នៃ​មន្ទីរ​ ​អង្គភាព​ជំនាញ​ស៊ីវិល​ ​និង​រឹងរឹត​តែ​បង្កើន​ទំនាក់ទំនង​កាន់តែ​ជិតស្និទ្ធ​ ​បន្ថែម​ទៀត​រវាង​កងកម្លាំង​ ​និង​អង្គភាព​ស៊ីវិល​។​