កំពង់ស្ពឺ​÷ ​ថ្ងៃ​ទី​ ​១​៤​ ​ខែ​ឧសភា​ ​ឆ្នាំ​ ​២​០​២​០​ ​នេះ​ ​ឯកឧត្តម​ វេ​ង​ ​សា​ខុន​ ​រដ្ឋមន្ត្រី​ក្រសួង​កសិកម្ម​រុក្ខា​ប្រ​ម៉ាញ់​ ​និង​នេសាទ​អម​ដំណើរ​ដោយ​ឯកឧត្តម​ ​វ៉ី​ ​សំណាង​ ​អភិបាល​នៃ​គណៈ​អភិបាល​ខេត្ត​កំពង់ស្ពឺ​ ​បាន​ដឹកនាំ​ប្រតិភូ​ជា​រាជការ​ ​និង​អង្គការសង្គម​ស៊ីវិល​ជាច្រើន​រូប​ទៀត​បាន​ចុះ​ពិនិត្យមើល​ដ​ដំណាំ​ដាំ​ដុះ​ ​របស់​ប្រជា​សហគមន៍​នៅ​ក្នុង​ភូមិ​លឹ្ង​ម​ ​ឃុំ​ត្រពាំង​ជោ ​ស្រុក​ឱ​រ៉ា​ល់ ​លើ​ផ្ទៃដី​ប្រមាណ​ជាង​ ​៦​០​០​ ​ហិកតា​ដោយ​សហគមន៍​បាន​ដាំ​ដុះ​ ​មាន​ត្រកួន​ ​សណ្ដែក​គួរ​ ​ខ្ញី​ ​និង​ទំពាំង​ឫស្សី​ផ្អែម​ ​នៅចន្លោះ​កូនឈើ​ដែល​កំពុង​ ​សុំ​ចុះបញ្ជី​ទទួលស្គាល់​ពី​អាជ្ញាធរ​ដែនដី​គ្រប់​លំដាប់​ថ្នាក់​។​

​ក្នុង​ពិធី​ជួប​សំណេះសំណាល​នោះ​ដែរ​ ​ឯកឧត្តម​ វេ​ង​ ​សា​ខុន​ ​បាន​ពាំ​នាំ​នូវ​បណ្ដាំ​សាក​សួរសុខទុក្ខ​ ​ពីសំណាក់​សម្ដេច​អគ្គមហាសេនា​ប​តីតេជោ ​ហ៊ុន​ ​សែន​ ​នាយករដ្ឋមន្ត្រី​កម្ពុជា​មកដល់​បងប្អូន​ប្រជាពលរដ្ឋ​ដែល​កំពុង​រស់នៅ​ក្នុង​តំបន់​សហគមន៍​រស្មី​សាមគ្គី​។​ ​ជានិច្ចកាល​សម្ដេច​ ​បាន​ខិតខំ​អភិវឌ្ឍ​តំបន់​ព្រៃ​ភ្នំ​ ​និង​តំបន់​ជម្លោះ​ជា​សមរភូមិ​ក្តៅ​ ​នា​សម័យ​ខ្មែរក្រហម​ ​ដែល​បាន​បន្សល់ទុក​នៅ​វាលស្រែ​ពោរពេញ​ទៅ​ដោយ​គ្រាប់មីន​ ​និង​អាវុធ​យុទ្ធ​ភណ្ឌ​ ​ពុំទាន់​ផ្ទុះ​ជា​ច្រើនគ្រា​ប់ ​ដែល​ជាហេតុ​ធ្វើឲ្យ​ប្រជាពលរដ្ឋ​រស់នៅ​ក្នុង​តំបន់​នេះ​ទទួល​រងគ្រោះ​ ​ស្ទើរ​រៀងរាល់ថ្ងៃ​ដោយ​គ្រាប់រំសេវ​ពុំទាន់​ផ្ទុះ​ទាំងអស់​នេះ​ ​សល់​ពី​សង្គ្រាម​ផ្ទៃក្នុង​ដ៏​រ៉ាំរ៉ៃ​នា​។​

​សម្ដេច​អគ្គមហាសេនា​ប​តីតេជោ ​ហ៊ុន​ ​សែន​ ​នាយករដ្ឋមន្ត្រី​កម្ពុជា​បាន​ជំរុញ​ឱ្យ​ក្រសួង​ ​មន្ទីរ​ជំនាញ​ទាំងអស់​ ​ត្រូវ​ខិតខំ​អភិវឌ្ឍ​តំបន់​ទាំងអស់​នេះ​ឲ្យ​ប្រែក្លាយ​ជា​ ​តំបន់​មានផ្លូវ​ល្អ​ ​មាន​ទឹក​ ​និង​ភ្លើង​ផ្លូវ​អគ្គិសនី​ប្រើប្រាស់​ ​ដូច​នៅ​ក្នុង​តំបន់​ភូមិ​ល្ងឹ​ម​ ​ឃុំ​ត្រពាំង​ជោ ​ស្រុក​ឱ​រ៉ា​ល់ ​នេះ​ជាឧទាហរណ៍​ស្រាប់​។​

​ឯកឧត្តម​រដ្ឋមន្ត្រី​បាន​បន្ត​ទៀត​ថា​÷ ​សូមឲ្យ​អាជ្ញាធរ​ភូមិ​ ​ឃុំ​ ​ស្រុក​ ​ខេត្ត​ ​បន្ត​អភិវឌ្ឍ​នៅ​ក្នុង​តំបន់​នេះ​ហើយ​កាន់តែ​មាន​ភាព​រីកចំរើន​បន្ថែម​ទៀត​។​ ​ហើយ​ឯកឧត្តម​បន្ថែម​ទៀត​ថា​ទាំង​រាជរដ្ឋាភិបាល​កម្ពុជា​ ​និង​អង្គការ​ u n ​d​ ​p​ ​ជា​អង្គការសង្គម​ស៊ីវិល​ ​នឹង​បន្ត​ខិតខំ​ជំរុញ​ឲ្យ​រដ្ឋបាល​ខេត្ត​ ​បាន​ចុះបញ្ជី​ដីស​ហ​គ​ម៍​រស្មី​សាមគ្គី​ ​ជា​ប្រយោជន៍ឲ្យ​ដី​ព្រៃ​របស់យើង​ ​បាន​គង់វង្ស​ ​ដើម្បី​ទាក់ទាញ​បាន​នូវ​ទឹកភ្លៀង​ ​សម្រាប់​ស្រោចស្រព​ ​ដំណាំស្រូវ​ ​បន្លែ​ ​ផ្លែឈើ​ ​និង​មនុស្ស​ ​សត្វ​ ​ម្យ៉ាងទៀត​ពេលណា​ដី​សហគមន៍​នេះ​បាន​ចុះបញ្ជី​រួច​ប្រជា​សហគមន៍​ ​មាន​សិទ្ធិ​ការពារ​ដី​ ​ពី​ការ​ចូ​លកាប់​បំផ្លាញ​ព្រៃឈើ​ខុសច្បាប់​ ​និង​ពី​ការ​រុក​រានទន្ទ្រាន​យក​ដី​ព្រៃ​សហគមន៍​ធ្វើជា​កម្មសិទ្ធិ​បុគ្គល​ផង​ដែរ​៕