កំពង់ស្ពឺ÷ នៅរសៀលថ្ងៃទី២៧ ខែឧសភា ឆ្នាំ២០២០ ដោយមានការសម្របសម្រួលពីក្រុមការងារនៃវេទិកាសម្ព័ន្ធសង្គមស៊ីវិល (វ.ស.ស.) ជាមួយរដ្ឋបាលខេត្តកំពង់ស្ពឺ មន្ទីរសុខាភិបាលខេត្តកំពង់ស្ពឺ និងសមាគមប្រឹក្សាសុខភាពប្រជាជន ដែលជាសមាគមដៃគូរបស់ វ.ស.ស. ក្រុមការងារកងសង្គ្រោះបន្ទាន់៧១១ នៃកងពលតូចលេខ៧០ បានធ្វើការបាញ់ថ្នាំសម្លាប់មេរោគនៅទីតាំងចំនួន ៣ ដែលកំណត់ដោយរដ្ឋបាលខេត្តកំពង់ស្ពឺ រួមមាន៖
១. មន្ទីពេទ្យបង្អែកខេត្តកំពង់ស្ពឺ ដោយបានបាញ់ថ្នាំលើផ្ទៃទំហំ ១ ១៥០ម៉ែត្រការ៉េ
២. មជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ ដោយបានបាញ់ថ្នាំលើផ្ទៃទំហំ ២ ៧២៥ម៉ែត្រការ៉េ
៣. ផ្សារកំពង់ស្ពឺនិងបរិវេណជុំវិញផ្សារ ដោយបានបាញ់ថ្នាំលើផ្ទៃទំហំ ៤ ៩៥៣ ម៉ែត្រការ៉េ។
បន្ទាប់ពីបានណែនាំអំពីរបៀបប្រើប្រាស់ម៉ាស៊ីនបំភាយឧស្ម័នពីអ្នកជំនាញការនៃកងសង្គ្រោះបន្ទាន់៧១១ មន្រ្តីសុខាភិបាលចំនួន ០១រូប បានសាកល្បងប្រើប្រាស់ម៉ាស៊ីនបំភាយឧស្ម័ននិងបានចូលរួមបាញ់ថ្នាំជាមួយក្រុមការងារកងសង្គ្រោះបន្ទាន់៧១១ ផងដែរ។ ការងារបាញ់ថ្នាំសម្លាប់មេរោគនៅថ្ងៃនេះ បានបញ្ចប់ដោយជោគជ័យនៅវេលាម៉ោង ១៧៖៥០នាទី៕
