រដ្ឋបាលខេត្តកំពង់ស្ពឺ

Kampongspeu Administration

រដ្ឋបាលខេត្តកំពង់ស្ពឺ

Kampongspeu Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

កិច្ចប្រជុំប្រមូលថវិកាទ្រទ្រង់សកម្មភាពមនុស្សធម៌សាខាកាកបាទក្រហមកម្ពុជាខេត្តកំពង់ស្ពឺ

ដោយ Adminចំនួនទស្សនា (213)

កំពង់ស្ពឺ÷ ឯកឧត្តម វ៉ី សំណាង អភិបាលខេត្ត ប្រធានគណៈកម្មាធិការសាខាកាកបាទក្រហមកម្ពុជា បានអញ្ជើញជាអធិបតីភាពក្នុងកិច្ចប្រជុំប្រមូលថវិកាទ្រទ្រង់សកម្មភាពមនុស្សធម៌របស់សាខាកាកបាទក្រហម។ ពិធីនេះប្រារឰធ្វើនៅរសៀលថ្ងៃទី 8 ខែមិថុនាឆ្នាំ 2020 នៅអាគារប្រជុំសាលាខេត្តខាងជើង ដែលមានសមាសភាពចូលរួមពីតំណាងបណ្ដាក្រុង ស្រុកទាំង 8 តំណាងមន្ទីរ អង្គភាពជុំវិញខេត្ត និងក្រុមអាជីវករជាច្រើនរូបទៀត។

មានប្រសាសន៍នៅក្នុងកិច្ចប្រជុំនោះដែរឯកឧត្តម វ៉ី សំណាង អភិបាលខេត្ត ប្រធានគណៈកម្មាធិការសាខា បានគូសបញ្ជាក់ថា÷ ដោយសារខ្លាចឆ្លងជំងឺ covid-19 យោងតាមការណែនាំរបស់ក្រសួងសុខាភិបាល និងពិសេសសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា សម្ដេចតែងតែយកចិត្តទុកដាក់ចំពោះសុខមាលភាពសង្គម និងជីវភាពរស់នៅរបស់បងប្អូនជាពលរដ្ឋទូទៅ បានធ្វើអំពាវនាវកុំឲ្យមានការជួបជុំ ឬប្រមូលផ្ដុំគ្នាច្រើន ខ្លាចមានការឆ្លងជំងឺcovid- 19។ ជំងឺនេះត្រូវបានប្រជាជនលើពិភពលោក កំពុងមានការព្រួយបារម្ភយ៉ាងខ្លាំង។ ដូច្នេះតាមរយៈកិច្ចប្រជុំនារសៀលថ្ងៃនេះសូមឱ្យ ឯកឧត្តម លោកជំទាវ លោកឧកញ៉ា លោក លោកស្រី ដែលមានវត្តមាននៅទីនេះ សូមធ្វើការផ្សព្វផ្សាយបន្ត និងបានចូលរួមជាសម្ភារៈ និងថវិកា ជាមួយកាកបាទក្រហមកម្ពុជាខេត្ត ដើម្បីអោយសាខា មានលទ្ធភាពពង្រឹងការងារវិស័យមនុស្សធម៌ឲ្យកាន់តែល្អខ្លាំងក្លាបន្ថែមទៀត។

ឯកឧត្តមបានបន្តទៀតថា ការចែករំលែកនូវសម្ភារៈថវិការបស់ឯកឧត្តម លោកជំទាវ លោកឧកញ៉ា និងលោក លោកស្រី វាពិតជាមានអត្ថន័យយ៉ាងជ្រាលជ្រៅ និងធ្វើទានយ៉ាងគាប់ប្រសើរ ខណៈពេលដែលទ្រព្យធនទាំងអស់នោះ ត្រូវបានសាខាកាកបាទក្រហមបានយកទៅចែកជូនដល់ដៃ អ្នកទីទាល់ ជនរងគ្រោះ និងជនងាយរងគ្រោះបានទាន់ពេលវេលា ហើយពុំបានគិតអំពីពណ៌សម្បុរ សាសនា ឬនិន្នាការនយោបាយអ្វីឡើយ។ ហើយរាល់សកម្មភាពមនុស្សធម៌ទាំងអស់ខាងលើក៏មានការចង្អុលបង្ហាញប្រកបដោយគតិបណ្ឌិត និងយកចិត្តទុកដាក់ខ្ពស់ពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាផងដែរ៕

បណ្ណាល័យព័ត៌មាន
ព័ត៌មានថ្មីៗ
លេខអគ្គិភ័យ
0
លេខសង្គ្រោះគ្រោះថ្នាក់ចរារចរណ៍
ស្នងការដ្ឋាននគរបាលខេត្តកំពង់ស្ពឺ097 7780 018
អធិការដ្ឋាននគរបាលក្រុងច្បារមន097 7780 173
អធិការដ្ឋាននគរបាលស្រុកភ្នំស្រួច097 7780 174
អធិការដ្ឋាននគរបាលស្រុកគងពិសី097 7780 175
អធិការដ្ឋាននគរបាលស្រុកថ្ពង097 7780 176
អធិការដ្ឋាននគរបាលស្រុកឱរ៉ាល់097 7780 177
អធិការដ្ឋាននគរបាលស្រុកបសេដ្ឋ097 7780 178
អធិការដ្ឋាននគរបាលស្រុកសំរោងទង097 7780 179
KAMPONG SPEU​ WEATHER
ព័ត៌មានជាប់ទាក់ទង

ភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ

អ៊ីមែល : admin@kampongspeu.gov.kh

លេខទូរស័ព្ទ : (+855)16 601607

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ស្ពឺ

កែប្រែចុងក្រោយ : 12 ម៉ោងមុន