កំពង់ស្ពឺ÷ គ្រួសារងាយរងគ្រោះ ក្នុងនោះមាន ជនពិការ ចាស់ជរាអត់ទីពឹង និងស្ត្រីមេម៉ាយកូនច្រើនក្នុងបន្ទុក ចំនួន៤០គ្រួសារ នៅឃុំចំបក់ ស្រុកភ្នំស្រួច ទទួលបានអំណោយពីសាខាកាកបាទក្រហមកម្ពុជានៅថ្ងៃទី០៧ ខែកក្កដា ឆ្នាំ២០២០។
![](https://asset.cambodia.gov.kh/provincial/sites/24/2020/07/IMG_20200707_173241_701-1024x682.jpg)
![](https://asset.cambodia.gov.kh/provincial/sites/24/2020/07/IMG_20200707_173257_967-1024x481.jpg)
លោកវេជ្ជបណ្ឌិត អោ វណ្ណថេន អនុប្រធានគណៈកម្មាធិការសាខាកាកបាទក្រហមកម្ពុជា និងសមាជិកសមាជិកា ជាច្រើនរូបទៀត បាននាំយកអំណោយមានជាគ្រឿងឧភោគបរិភោគជាត្រីខកំប៉ុង ប្រេងឆា ទឹកត្រី ទឹកសាអ៉ីវ មី អំបិល នំធុង និងថវិការម្នាក់២ម៉ឺនរៀល ចែកជូនដល់ពលរដ្ឋខាងលើ។
![](https://asset.cambodia.gov.kh/provincial/sites/24/2020/07/IMG_20200707_173250_370-1024x481.jpg)
![](https://asset.cambodia.gov.kh/provincial/sites/24/2020/07/IMG_20200707_173243_598-1024x682.jpg)
លោក អោ វណ្ណថេន បានលើកឡើងនៅគ្រានោះថា ថ្វីត្បិតអំណោយមានចំនួនកំណត់ក្ដី តែក៏ជាជួយសម្រាលដល់ជីវភាពទីទាល់ក្របានមួយគ្រាផងដែរ។ ដែលសកម្មភាពនេះតែងតែធ្វើជាបន្តបន្ទាប់តាមគោលដៅដែលមានជនងាយរងគ្រោះក្នុងខេត្តកំពង់ស្ពឺ តាមគោលការណ៍របស់កាកបាទក្រហមថ្នាក់ជាតិ ទីណាមានជនក្រីក្រ គឺកាកបាទក្រហមជានិច្ចជាកាលតែងតែចុះចែកជូន។
![](https://asset.cambodia.gov.kh/provincial/sites/24/2020/07/IMG_20200707_173235_748-1024x481.jpg)
ក្នុងនោះលោកក៏បានជំរុញដល់ពលរដ្ឋមើលថែសុខភាព ដោយការរស់នៅ ហូបចុក ត្រូវមានអនាម័យ និងបង្កើនការដាំដុះបន្លែបន្ទាប់បន្សំ និងចិញ្ចឹមមាន់ទាបន្ថែមដើម្បីជួយសម្រាលដល់ជីវភាពគ្រួសារ៕
![](https://asset.cambodia.gov.kh/provincial/sites/24/2020/07/IMG_20200707_173239_307-1024x682.jpg)
![](https://asset.cambodia.gov.kh/provincial/sites/24/2020/07/IMG_20200707_173229_863-1024x682.jpg)