ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានថ្លែងអំណរគុណយ៉ាងជ្រាលជៅ ជូនចំពោះ ឯកឧត្តម ឧបនាយករដ្ឋមន្ត្រី ហោ ណាំហុង និងលោកជំទាវ ដែលបានផ្តល់ការយកចិត្តទុកដាក់ ប្រកបដោយទឹកចិត្តសប្បុរសធម៌ ក្នុងការជួយដល់ប្រជាពលរដ្ឋទីទ័លក្រនៅក្នុងស្រុកគងពិសី និងស្រុកបសេដ្ឋ នាពេលនេះ។
![](https://asset.cambodia.gov.kh/provincial/sites/24/2021/12/IMG_20211206_075258_166-1024x684.jpg)
![](https://asset.cambodia.gov.kh/provincial/sites/24/2021/12/IMG_20211206_075302_586-1024x684.jpg)
ឯកឧត្តម ហោ ណាំហុង ឧបនាយករដ្ឋមន្ត្រី បានអញ្ជើញសំណេះសំណាល និងនាំយកនូវអំណោយចែកជូនប្រជាពលរដ្ឋ ៣៥០ គ្រួសារ រស់នៅស្រុកគងពិសី ចំនួន ៣ឃុំ និង ស្រុកបរសេដ្ឋ ចំនួន១ឃុំ ក្នុងខេត្តកំពង់ស្ពឺ។
![](https://asset.cambodia.gov.kh/provincial/sites/24/2021/12/IMG_20211206_075249_240-1024x684.jpg)
ឆ្លៀតក្នុងឱកាសនោះ ឯកឧត្តម ហោ ណាំហុង ឧបនាយករដ្ឋមន្ត្រី បាននាំនូវការផ្តាំផ្ញើសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់ប្រជាពលរដ្ឋទាំងអស់ដោយក្តីនឹករលឹក ដែលជានិច្ចកាលសម្តេចទាំងទ្វេរតែងតែយកចិត្តទុក្ខដាក់ខ្ពស់ចំពោះសុខទុក្ខលំបាកប្រជាពលរដ្ឋ។
![](https://asset.cambodia.gov.kh/provincial/sites/24/2021/12/IMG_20211206_075321_124-1024x684.jpg)
![](https://asset.cambodia.gov.kh/provincial/sites/24/2021/12/IMG_20211206_075316_201-1024x684.jpg)
នាឱកាសនោះដែរ ឯកឧត្តម ហោ ណាំហុង ឧបនាយករដ្ឋមន្ត្រី បានណែនាំឲ្យប្រជាពលរដ្ឋទាំងអស់គ្នា ត្រូវរួមធ្វើអនាម័យឲ្យបានគ្រប់គ្នាអនុវត្តនូវវិធានការ «៣ការពារ និង៣កុំ» របស់រាជរដ្ឋាភិបាលឲ្យបានខ្ជាប់ខ្ជួនដើម្បីការពារខ្លួនពីជំងឺកូវីដ១៩ បើទោះបីជាស្ថានភាពនៃការឆ្លងរីករាលដាលនៃជំងឺកូវីដ១៩ និងអ្នកស្លាប់ នៅក្នុងប្រទេសមាន ការថយចុះយ៉ាងណាក៏ដោយ ពិសេសសំនូមពរអោយប្រជាពលរដ្ឋទាំងអស់អញ្ជើញទៅចាក់វ៉ាក់សាំងឲបានគ្រប់ៗគ្នានៅតាមទីតាំងដែលអាជ្ញាធរ ភូម ឃុំ សង្កាត់ បានជម្រាបជូន។
![](https://asset.cambodia.gov.kh/provincial/sites/24/2021/12/IMG_20211206_075341_555-1024x684.jpg)
![](https://asset.cambodia.gov.kh/provincial/sites/24/2021/12/IMG_20211206_075345_828-1024x684.jpg)
អំណោយដែលផ្តល់ជូនប្រជាពលរដ្ឋ ៣៥០ គ្រួសារ ដោយក្នុង១គ្រួសារ ទទួលបាន ៖ អង្ករ២៥គីឡូក្រាម គ្រឿងឧបភោគបរិភោគ ថវិកា ៤ម៉ឺនរៀល៕
![](https://asset.cambodia.gov.kh/provincial/sites/24/2021/12/IMG_20211206_075437_459-1024x684.jpg)
![](https://asset.cambodia.gov.kh/provincial/sites/24/2021/12/IMG_20211206_075419_720-1024x684.jpg)