នាព្រឹករសៀលថ្ងៃទី០៥ ខែមេសា ឆ្នាំ២០២២ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងពិធីសំណេះសំណាល ជាមួយប្រជាការពារ ទាំង០៥សង្កាត់ របស់ក្រុងច្បារមន ដែលមានប្រជាការពារសរុបចំនួន ៦៣១នាក់ ។
![](https://asset.cambodia.gov.kh/provincial/sites/24/2022/04/FB_IMG_1649168762469-1024x683.jpg)
![](https://asset.cambodia.gov.kh/provincial/sites/24/2022/04/FB_IMG_1649168795634-1024x683.jpg)
![](https://asset.cambodia.gov.kh/provincial/sites/24/2022/04/FB_IMG_1649168806427-1024x683.jpg)
នាឱកាសសំណេះសំណាលនេះដែរ ឯកឧត្តម វ៉ី សំណាង អភិបាល នៃគណៈអភិបាល ខេត្តកំពង់ស្ពឺ បានលើកឡើងថា កម្លាំងប្រជាការពារ គឺជាកម្លាំងស្នូលដ៏សំខាន់ សម្រាប់អាជ្ញាធរក្នុងមូលដ្ឋាន ក្នុងការដើរតួនាទីយ៉ាងសំខាន់ក្នុងការចូលរួមសហការគ្រប់សកម្មភាព របស់អាជ្ញាធរមិនថា កិច្ចការងារសន្តិសុខ មនុស្សធម៌ ឬការងាររដ្ឋបាលផ្សេងៗ ដូចជាការជួយសម្រួល ចរាចរណ៍កកស្ទះ រៀបចំសណ្តាប់ធ្នាប់ក្នុងមូលដ្ឋានជាដើម គឺតែងតែមានវត្តមានរបស់ពួកគាត់ នៅជាមួយសកម្មភាពទាំងនេះជានិច្ច ។
![](https://asset.cambodia.gov.kh/provincial/sites/24/2022/04/FB_IMG_1649168803787-1024x777.jpg)
![](https://asset.cambodia.gov.kh/provincial/sites/24/2022/04/FB_IMG_1649168769388-1024x683.jpg)
ក្នុងពិធីនោះដែរ ឯកឧត្តម ក៏បានថ្លែងអំណរគុណដល់បងប្អូនប្រជាការពារ ដែលកន្លងមកបានចូលរួម អនុវត្តន៍និងផ្សព្វផ្សាយនូវគោលនយោបាយភូមិ ឃុំ មានសុវត្ថិភាពនិងយាមក្ដាប់នូវសភាពការណ៍ ឫហេតុការណ៍ ដែលមិនប្រក្រតីណាមួយ ដែលបានកើតឡើងនៅក្នុងសហគមន៍របស់ខ្លួន គ្រប់គ្រងបានល្អប្រសើរ មិនតែប៉ុណ្ណោះមានការប្រាស្រ័យទាក់ទងល្អជាមួយប្រជាពលរដ្ឋ និងបងប្អូនប្រជាការពារផ្សេងទៀត ដែលនៅជិតភូមិ ឃុំ ក្នុងការសហការណ៍បង្ក្រាបបទល្មើសផ្សេងៗផងដែរ ។
![](https://asset.cambodia.gov.kh/provincial/sites/24/2022/04/FB_IMG_1649168771942-1024x683.jpg)
![](https://asset.cambodia.gov.kh/provincial/sites/24/2022/04/FB_IMG_1649168778481-1024x683.jpg)
![](https://asset.cambodia.gov.kh/provincial/sites/24/2022/04/FB_IMG_1649168783709-1024x683.jpg)