នាព្រឹកថ្ងៃទី ២៧ ខែ ឧសភា ឆ្នាំ ២០២២ លោក ម៉ម ច័ន្ទសិរីវឌ្ឍនៈ អភិបាលរងនៃគណៈអភិបាលក្រុងច្បារមន បាន ដឹកនាំការិយាល័យសាធារណការដឹកជញ្ជូនអនាម័យបរិស្ថាននិងសណ្តាប់ធ្នាប់សាធារណ: ការិយាល័យភូមិបាល និង តំណាងមន្ទីរធនធានទឹក ចុះ ត្រួតពិនិត្យ ណែនាំ និងផ្អាក នៅការដ្ឋានសាងសង់ សំណង់ចំនួន ០២ កន្លែង ទី០១ គឺនៅភូមិ ក្រាំងពលទេព សង្កាត់រការធំ ក្រុងច្បារមន ទី០២ គឺនៅភូមិទួលធ្នង់ សង្កាត់រការធំ ក្រុងច្បារមន ដែលម្ចាស់ សាងសង់ មិនបានសុំច្បាប់អនុញ្ញាតត្រឹមត្រូវ ចេញពីការិយាល័យច្រកចេញចូលតែមួយក្រុងច្បារមន។ លោកអភិបាលរងក្រុងក៏បានបន្តដំណើរ មកត្រួតពិនិត្យ និងឃាត់ជាបន្ទាន់ ក្នុងករណី មានបងប្អូនប្រជាពលរដ្ឋ បានចាក់ដី ហ៊ាចូលគំរបលូ នៅភូមិក្រាំងពលទេព សង្កាត់រការធំ ក្រុងច្បារមន បណ្ដាលអោយប៉ះពាល់ជាខ្លាំង ដល់ប្រព័ន្ធទឹក អាចធ្វើឲ្យមានការកកស្ទះ មានហានិភ័យដល់ផ្លូវ ប្រជាពលរដ្ឋកំពុងធ្វើដំណើរ លោកអភិបាលរងក្រុង ក៏បានណែនាំឲ្យម្ចាស់ ម្ចាស់ដី ធ្វើការដោះស្រាយជាបន្ទាន់នូវបញ្ហានេះផងដែរ ។