នាព្រឹកថ្ងៃទី១០ ខែមិថុនា ឆ្នាំ២០២២ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានអញ្ជើញជាអធិបតីក្នុងពិធីប្រកាសតែងតាំង និងផ្ទេរភារកិច្ចមន្ត្រីរាជការ តាមអនុក្រឹត្យលេខ៣៧៧ អនក្រ.តក ដោយសម្រេចផ្ទេរភារកិច្ចលោក ហុក ម៉ារ៉ាឌី ឋានន្តរស័ក្កឧត្តមមន្ត្រី ថ្នាក់លេខ៥ ពីអភិបាល នៃគណៈអភិបាលក្រុងច្បារមនឲ្យទៅបម្រើការងារនៅរដ្ឋបាលខេត្តកំពង់ស្ពឺ និងតែងតាំងលោក ទឹម ផានូ ឋានន្តរសក្កិអនុមន្ត្រីថ្នាក់លេខ១ ឲ្យទៅកាន់មុខតំណែងជាអភិបាលនៃគណៈអភិបាលក្រុងច្បារមន ខេត្តកំពង់ស្ពឺ ៕